Դուբայի Էմիրությունը տեղակայված է Պարսից ծոցի ափին և համարվում է Մերձավոր Արևելքի գլխավոր տուրիստական կենտրոնը: Դուբայը երկրորդ էմիրությունն է իր մեծությամբ և Արաբական Միացյալ Էմիրություններում տուրիզմի և առևտրի ամենաընդունված կենտրոնն է: Այն առաջարկում է ծառայության բարձր մակարդակ, մեծ առևտրի կենտրոններ և Արևելքի տեսարժան վայրերը: Այստեղ հրաշալի պայմաններ են սպորտով զբաղվելու համար. կարելի է վարել առագաստանավեր, ջրային դահուկներ, զբաղվել ստորջրյա լողով, վինդսերֆինգով, գոլֆ խաղալ: ,,Վաճառականների քաղաքի,, հեղինակություն վայելող Դուբայը միշտ շատ լավ է դիմավորել ճանապարհորդներին և առևտրականներին: Բարեկրթության և հյուրընկալության այս սովորույթը կա մինչ այսօր: Դուբայի փողոցները մաքուր են և անվտանգ, հյուրերին սպասում է ջերմ և ընկերասեր ընդունելություն: Դուբայը ամենահանրամատչելի հանգստյան գոտին է Արաբական Միացյալ Էմիրություններում: Կոլորիտային, ազատ քաղաք է, որտեղ յուրաքանչյուրն առանց ինքն իրեն սահմանափակելու կարող է ընտրել իր ճաշակին համապատասխան հանգիստ և զվարճանք: Ողջ տարին վառ փայլող արևը, հեքիաթային լողափերը, զվարճանքների լայն ընտրության հնարավորությունը Դուբայը դարձնում են հանգստի համար իդեալական վայր: Հանգիստը Դուբայում միանշանակ կհիշվի ընդմիշտ: Այդ զարմանալի քաղաքն իր մեջ համատեղում է անհամատեղելին. Հին բեդուինների գաղտնիքները բացահայտող Ալ Ֆահիդի թանգարանը և գերժամանակակից առևտրի կենտրոնները, միջազգային ցուցահանդեսները և ուղտերի վազքերը, հարմարավետ հյուրանոցները և հինավուրց մզկիթները: Դուբայի շրջագայությունն ընտրելով՝ դուք ընտրում եք իրական հանգստի հեքիաթ:

ԵՂԱՆԱԿ

Դուբայ մեկնելու ամենահարմար ժամանակը ձմեռային ամիսներն են կամ հոկտեմբերից ապրիլ ընկած ժամանակահատվածը: Այս ժամանակահատվածում օդի ջերմաստիճանը 25 °C, իսկ ջրինը՝ 18-20 °C: Թեև այս շրջանում նաև անձրևներ են լինում, բայց դրանք երկար չեն ձգվում: Մինչդեռ ամառային ամիսներին այստեղ ջերմաստիճանը կարող է հասնել մինչև 40-50°С-ի, իսկ խոնավությունը ծովափին՝ 90%-ի: